15:36
Posted by ကျောပိုးအိတ်
နေပူလွန်းတဲ့ ဧပြီလရဲ့  သောကြာနေ့ မှာ သူမကို ဆေးခန်းတစ်ခုမှ ကျွန်မတွေ့ ခဲ့ပါတယ်။ ညိုသောအသားအရည်နဲ့  ရှည်လျှားသော ဆံပင်တွေကြောင့် သူမရဲ့ အလှဟာ ပိုပြီး ပေါ်လွင်စေတယ်။ သူငယ်ချင်းတစ်ယောက် မိတ်ဆက်ပေးတာကြောင့် တခဏအတွင်းမှာ သူနဲ့ ကျွန်မ ရင်းနှီးသွားခဲ့တယ်။
အနီးကပ်ကြည့်မှ တော်တော်လေးချစ်စရာကောင်းတာကို ကျွန်မလက်ခံမိတယ်။ သူမရဲ့ ပါးပြင်ပေါ်မှာတော့
မခို့  တရို့ သနပ်ခါးလေးတွေက နေရာယူလို့ ။ စကားပြောရင်လဲ တိုးညှင်းသော အသံလေးနဲ့ အေးချမ်းစွာ ပြောတတ်တယ်။
သူမနာမည်က မသက်မွန်တဲ့။ အသက်က ၂၄နှစ်။ မြန်မာပြည်ရဲ့ တစ်ခုသော နေရာက ထိုင်းနိုင်ငံထဲကို တရားမ၀င်သောနည်းနဲ့  ရောက်ရှိလာတဲ့ ရိုးရိုးသာမန် မိန်းကလေးတစ်ဦးပါ။ ထိုင်းနိုင်ငံထဲကို ရောက်နေတာ သူမ အသက် ၁၈နှစ်ထဲကနေ ပွဲစားတစ်ဦးနဲ့ လိုက်လာပြီး ကြုံရာ ကျပန်းအလုပ်တွေ လုပ်နေခဲ့ရတယ်။ လစာက မဖြစ်စလောက်လေးနဲ့  လောက်ငှအောင် သူမချွေတာခဲ့တယ်။
လေဖြတ်ထားတဲ့မိခင်ရယ် ၊ ငယ်ရွယ်လွန်းသေးတဲ့ မောင်နှမတွေရယ် ၊ အလုပ်အကိုင် မယ်မယ်ရရ မလုပ်ဘဲ
နေ့  တိုင်းအရက်ထိုင်သောက်တတ်တဲ့ ဖခင်ရယ် ကြားထဲမှာ သူမက သမီးအကြီးဆုံးဆိုတော့ အိမ်ရဲ့  တာဝန်တွေ အားလုံး သူမသာလျှင် ဦးဆောင်ဖြေရှင်းခဲ့ရတယ်။
ထိုင်းနိုင်ငံမှာ ရတဲ့အလုပ်လုပ်ကိုင်ရင်း သူမအတွက် မဖြစ်စလောက်ငွေလေးချန်ထားတတ်ပြီး မိသားစုကို အသက်နဲ့ 
မမျှအောင်စောင့်ရှောက်ရှာဖွေ ကျွေးမွေးခဲ့တာကြောင့် သူမရွာထဲမှာ အားလုံးရဲ့  အားကျခြင်းကို ခံခဲ့ရပါတယ်။
ဒီလိုနဲ့ သူမအလုပ်လုပ်ကိုင်ရင်း မင်းသူလို့ ခေါ်တဲ့ ကောင်လေးတစ်ယောက်နဲ့ အကြောင်းပါခဲ့တယ်။ အိမ်ကို အတိအကျဖွင့်ပြောပြီး သူမအဲဒီကောင်လေးနဲ့ လက်ထပ်လိုက်တယ်။ ကောင်လေးနဲ့ လက်ထပ်ပြီး သိပ်မကြာခင်မှာ ကောင်လေးက တရှောင်ရှောင်နဲ့ ဖြစ်လာတယ်။ နောက်တော့ ကောင်လေးမှာ တီဘီရောဂါကူးစက်ခံရပြီး အလုပ်ကနေ နားလိုက်ရတယ်။
သူမမှာ စားဝတ်နေရေးအတွက် အလုပ်တွေ ပိုလုပ်ခဲ့ရတယ်။ ဒါပေမယ့် သူမ ပင်ပန်းလွန်းလို့  တစ်ခါမှ မငြူးငြူမိခဲ့ပါဘူး။ သူမတစ်နေကုန် အလုပ်လုပ်တယ်။ အိမ်ပြန်ရောက်တာနဲ့ ရေတစ်ခွက်သောက်ပြီး ညစာအတွက် ပြင်ဆင်တယ်။ ခင်ပွန်းသည်ကိုလဲ ရတဲ့အချိန်လေးမှာ ပြုစုတယ်။
သူမ ပျော်ပါတယ်။ ဘာလို့ လဲဆိုတော့ သူမကို အားကိုးတဲ့ မိသားစုရှိတယ်။ သူမကို အရမ်းချစ်တဲ့ သူမ ခင်ပွန်းရှိတယ်။ သူမကို စာနာနားလည်တဲ့ လုပ်ငန်းခွင်က သူငယ်ချင်းတွေရှိနေတာကြောင့် ဘယ်လောက်ဘဲ ပင်ပန်းပါစေ သူမ အပြုံးမပျက်ခဲ့ပါဘူး။
ဒီလိုနဲ့ သူမ တစ်ဖြေးဖြေး ပိန်လာတယ်။ စိတ်ထဲမှာလဲ အလုပ်ပင်ပန်းလွန်းလို့  ၊ အစားအသောက် မမှန်လို့  ၊ အိပ်ရေး မ၀လို့  ပိန်သွားတယ်ဘဲသူမထင်ခဲ့တယ်။ နောက်တော့ သူမပါ အနည်းငယ်ချူခြာလာတယ်။ နောက်ပိုင်း အလုပ်လုပ်ရင် မောလာတယ်။ သူမထင်တာ သူမခင်ပွန်းဆီက တီဘီရောဂါ သူမကို ကူးနေပြီလို့ ထင်ခဲ့တယ်။
နောက်တော့ သူမစိတ်ထဲ တစ်ခုခုသိရအောင်ဆိုပြီး အလုပ်ကနေ ခွင့်ယူကာ သူမဆေးခန်းတစ်ခုကို သွားပြခဲ့တယ်။ဆေးခန်းမှာ လိုအပ်တဲ့ စမ်းသပ်မှုတွေပြုလုပ်ပြီတဲ့ အချိန်မှာ သူမအတွက် ပြင်းထန်တဲ့ ရိုက်ချက်တစ်ခုကို သူမရရှိလိုက်တယ်။
သူမမှာ HIV ပိုးရှိနေတယ်တဲ့။ သူမကြားကာစက သူမနား သူမ မယုံခဲ့ဘူး။ ထပ်ကာထပ်ကာ ပြောပြလာတဲ့ ဆရာမကို သူမမျက်လုံးအပြူးသားနဲ့  နားထောင်နေခဲ့တယ်။ သူမကို ဘာတွေပြောနေတာလဲ။သူမ ဘာတစ်ခုမှ မကြားရတော့ဘူး။ ကမ္ဘာလောကကြီးတစ်ခုလုံး အဲဒီအချိန်မှာ မှောင်မိုက်သွားခဲ့ပါပြီ။
ကျွန်မကို ရင်ဖွင့်နေတဲ့ အချိန်တွေမှာ သူမလုံးဝ မငိုခဲ့ဘူး။ လူများလို့  မငိုတာလား၊ ဒီအဖြေကို လက်မခံချင်သေး တာကြောင့် မငိုသေးတာလား၊ဒါမှမဟုတ် သူမငိုဘို့ များ မေ့နေတာလားဆိုတဲ့ တိကျတဲ့ အဖြေတစ်ခု ကျွန်မ မသိခဲ့ပါဘူး။
နောက်တော့ ကျွန်မလဲ သူမရဲ့ နောက်ကြောင်းကို မေးကြည့်တယ်။မေးကြည့်တော့ သူမမှာ သူမယောကျာင်္းနဲ့ ဘဲ ဆက်ဆံခဲ့ပေမယ့် သူမခင်ပွန်းကတော့ လူပျိုဘ၀မှာ တော်တော်လေးရှုပ်ခဲ့တယ်လို့ သူမကြားကြောင်း ပြန်ပြော လာတယ်။
သူမနဲ့ ကျွန်မ အဲဒီနေ့ လေးမှာ စကားတွေ အများကြီးပြောဖြစ်ခဲ့တယ်။ သူမခင်ပွန်းကို ဖွင့်ပြောမလား ဆိုတာ ကျွန်မကမေးတော့ သူမခင်ပွန်းက လွန်ခဲ့တဲ့ ရက်ပိုင်းမှာ သွေးစစ်ထားတယ်။ သူမခင်ပွန်းမှာလဲ ရောဂါပိုးရှိနေတာကို သူမ သိတယ်တဲ့။ နောက်တော့ သူမပြန်ပြီး နားသင့်နေပြီလို့  ကျွန်မကပြောတော့ ယဉ်ကျေးစွာနဲ့  ဟုတ်ကဲ့ပါရှင်တဲ့လေ။ နောက်တော့ ကျွန်မက ပြန်ပို့ ပေးမယ်ပြောပြီး သူမကို ခေါ်လာခဲ့တယ်။
လမ်းတစ်ဝက်ရောက်တော့ သူမက ကျွန်မကို HIV နဲ့ ပတ်သက်တဲ့ အကြောင်းတွေ မေးလာတယ်။ ကျွန်မကလဲ သူမမေးလာသမျှကို သိသလောက်ကြားမိသလောက် ပြန်ပြောပြနေတယ်။ နောက်တော့သူမက ဘာမပြော ညာမပြောနဲ့  ကျွန်မကိုဖတ်ပြီး ငိုတယ်။ ငိုတယ်ဆိုတာထက် ငိုဘို့ အားယူနေတယ်ပြောရင် ပိုမှန်မလားဘဲ။
ကျွန်မက သူ့ ကျောလေးကို အသာပုတ်ပြီး ငိုချလိုက် ညီမလို့ ပြောတော့မှ သူမ အားရပါးရ ငိုချလိုက်တယ်။ သူမငိုချချင်းအပေါ် ကျွန်မဘေးနားကနေ ကြည့်ပြီး စိတ်ထဲမှာ မသက်မသာခံစားလာရတယ်။ သူမကို အကောင်းဆုံး အကြံဥာဏ်ပေးနိုင်အောင် ကျွန်မ အများကြီးစဉ်းစားရတယ်။
နောက်တော့ ကျွန်မ သူမနဲ့ မတွေ့ တော့ဘူး။ မတွေ့ တော့တာကလဲ သင်္ကြန်အတွက် ခွင့်ရက်ရှည်ယူပြီး မြန်မာနိုင်ငံ ပြန်လာနေတဲ့အချိန်မှာ သူမနဲ့  ခေတ္တအဆက်သွယ် ပြတ်ခဲ့ရတယ်။နောက်တော့ ကျွန်မခွင့်ရက်ကုန်လို့  ဒီကိုပြန်လာပြီး သူမအတွက် ဘာတွေ လုပ်ပေးနိုင်မလဆိုပြီဲး ကျွန်မ မပြီးဆုံးသေးတဲ့ အဖြေတစ်ခုကို နေ့ ရောညပါ စဉ်းစားခဲ့မိတယ်။
စဉ်းစားမိတဲ့အထဲကနေ အကောင်းဆုံးလို့ ယူဆရတဲ့ အတွေးတစ်ခု ကျွန်မမှာရှိနေချိန် သူမကိုဆက်သွယ် လိုက်တော့ သက်မွန်ဆုံးသွားပြီတဲ့။ ကိုယ့်ကိုသတ်သေလိုက်တယ်တဲ့။ ကျွန်မမှာ အံ့သြလွန်းလို့  ဘာပြောရမှန်းတောင် မသိတော့ဘူး။ သူမဘာကြောင့် အဲဒီလို လုပ်သွားတာလဲ။ သူမယောကျာင်္းကရော မတားဘူးလား။ သူမထင်ထားတဲ့ သူမအတွက်အကောင်းဆုံးဖြေရှင်းနည်းက ဒါပါလာလို့  ဘာလို့ မှားယွင်းပြီး စဉ်းစားသွားတာလဲ။
ကျွန်မလေ ဘာဆက်ပြောရမှန်းတောင် မသိတော့ပါဘူး။ သူမလိုငယ်ရွယ်တဲ့သူတွေ ဒီလိုအဖြစ်ဆိုးတွေနဲ့  ဘယ်လောက်ထိတောင် ကြုံနေရပြီလဲ။ ကျွန်မ သက်ပြင်းရှည်ကြီးချပြီး ကောင်းကင်ကို မော့ကြည့်လိုက်တယ်။ နောက်တော့ မျက်စိစုံမှိတ်ပြီး သူမအတွက် သူမကြားနိုင်လောက်မယ်ထင်ပြီး ကျွန်မပြောမိတယ်။
မိဘကိုလုပ်ကျွေးခဲ့တဲ့ ကုသိုလ်တွေကြောင့် နောက်ဘ၀တွေမှာ လူဖြစ်ခဲ့မယ်ဆို ဒီလိုအဖြစ်ဆိုးမှ ကင်းဝေးနိုင်ပါစေ…………………………….လို့ ။
09:47
Posted by ကျောပိုးအိတ်
ကျွန်မလဲ ကျွန်မရဲ့ ဘလော့လေးကို ပစ်ထားတာ ကြာလှရောပေါ့။ စာရေးအသားကလဲ မကောင်း ၊ စာရေးရတာလဲ ပျင်းနေတော့ အသစ်အသစ်တွေ မတင်နိုင်ဘူးဖြစ်နေတယ်။ ရေးစရာတွေ ၊ တွေးစရာတွေ ရှိနေကြတဲ့ ကျန်တဲ့အကိုတွေ ၊ အမတွေ ပို့ စ်အသစ် တင်နိုင်တိုင်း ကျွန်မ အရမ်းချီးကျုးမိတယ်။
ကျွန်မက ကျွန်မအိမ်ကိုသာ ပစ်ထားတာ ကြာနေပြီ။ ကျန်တဲ့ အကိုတွေ ၊ အမတွေအိမ်ကိုတော့ အိမ်ပေါက်စေ့ လျှောက်လည်တယ်လေ။ ထမင်းဘူးနဲ့ ကို လိုက်လည်တာ။ လည်တာမောလိုက် စားလိုက်ပေါ့။ ဘယ္သူ ့အိမ္ကမွ မေကြ်းတာ။ ကိုယ့်စားရိတ်နဲ့ ကိုယ် လာရတော့တာပေါ့နော်။
း)
အခုနောက်ပိုင်းလဲ ဘာတွေရှုပ်နေမှန်း မသိအောင် အလုပ်တွေများနေတယ်။ တစ်ခါတစ်လေ ပြန်စဉ်းစားမိတယ်။ အလုပ်ပိုတွေ လုပ်နေတာလား ။ အပိုလုပ်တွေ လုပ်နေတာလားလို့ ။
း)
ဒီလိုနဲ့ တဖြည်းဖြည်း ရာသီဥတုကလဲ ပူလာတယ်။ (စာမရေးချင်တာနဲ့ ရာသီဥတုကို တရားခံစာရင်းထဲ ထည့်နေတာ) ညညဆို အိပ်မရဘူး ( မနက်မှ တရေး အိမ်မက်တောင် တစ်ညမှာ ၅ခုလောက်မက်တာ) စားရ တာလဲ ရာသီဥတုပူတော့ စားမကောင်းဘူး (မယုံမရှိနဲ့  ၂ကီလို တတ်လာတယ်) စိတ်တွေကလဲ နွေလေရူးနဲ့  အတူ ဂယောက်ဂယက်( နွေ မိုး ဆောင်း ရာသီစုံ)
အဲဒီလို အခြေအနေတွေကြောင့် စာမရေးဖြစ်တာ ( တကယ်တော့ ဆင်ခြေ ၊ ဆင်လက် ၊ ဆင်နားရွက် ၊ ဆင်ကလီစာ)
း)
မနေ့ က လူနာတစ်ယောက် တော်တော်အခြေနေဆိုးတာကြောင့် ကျွန်မ ဆေးရုံကို ရောက်သွားတယ်။ မနက် ၁၀း၀၀ နာရီလောက်မှာ ဖုန်းက ၀င်လာတယ်။ ကြည့်လိုက်တော့ ကျွန်မ မသိတဲ့ နံပါတ်တစ်ခု။ ကျွန်မက တော်ရုံ မသိတဲ့ ဖုန်းဆို မကိုင်ဘူး။ (မာနကြီးတာမဟုတ်ဘူးနော်။ ကြွေးရှင်ကြောက်လို့ ) ဒီဖုန်းက မကိုင်မခြင်းကို ခေါ်နေတာကြောင့် စိတ်မသက်မသာနဲ့ ကိုင်လိုက်တယ် (အိုင်တင် တစ်ပိသာနဲ့ ပေါ့)
ဟလို။
ဆရာမ…… လား။
ဟုတ်က။ဲ့
ဆရာမရေ ။ ဆရာမလူနာ ကိုအောင်လွင်ဦးလေ အခု အခြေနေ မကောင်းဘူး။
အွန်.. ဘယ်လိုအခြေနေမကောင်းတာလဲ။
အသက်မရှုတော့ဘူးဆရာမ။
အသက်မရှုတော့ဘူးဆိုတော့ သေပြီလား ။ (အဲ့ဂလို ဂရုဏာရှိတာ)
မသေတော့ မသေသေးဘူး။
ဟုတ်ပြီ ခဏစောင့်။ ကျွန်မတို့ လာကြည့်မယ်။
အဲဒီလို အူကြောင်ကြား ဖုန်းတစ်ခုကို ကျွန်မနားထောင်ပြီးတာနဲ့  ရုံးက ဆရာဝန်ဆီဖုန်းဆက်ပြီး နေခြစ်ခြစ်တောက် ပူနေတဲ့ ကြားကနေ ( ကယ်တင်ရှင်သဘောပေါ့နော် ) လူနာဆီ ပြေးရတော့တာပေါ့။ လူနာအိမ်ရောက်တော့ လူနာက ထင်သလောက်တော့ မဆိုးသေးပါဘူး။ ဒါပေမယ့် ရင်တော်တော်ကြပ်နေတယ်။ အသက်ရှုခက်နေတယ်။ လိုအပ်တဲ့ စမ်းသပ်မှုတွေ လုပ်ပြီး နောက်ဆုံး ဆေးရုံသာလျှင် ကောင်းဆုံးဆိုပြီး ဆေးရုံ တင်လိုက်တယ်။ (မကောင်းကျောင်းပို့ 
တော့မဟုတ်ဘူး။ ကိုယ့်လက်ထဲမှာ တစ်ခုခုဖြစ်မှာကြောက်လို့ )
ဆေးရုံမှာ လိုအပ်တာတွေ လုပ်ပေးပြီးတော့ ကျွန်မ တော်တော်မောနေပြီ။ 7eleven က ရေတစ်ဗူးဝယ်ပြီး သောက်နေမိတယ်။ သြော် ရေတောင် သောက်ရတာ အရသာရှိလိုက်တာနော်။ ဆေးရုံရှေ့ က ခုံတန်းလေးမှာ ရေသောက်ပြီး နားနေတုန်း အသက်ကြီးကြီး လူကြီးတစ်ယောက် ကျွန်မဆီ တန်းတန်းမတ်မတ် လာနေတယ်။ ဒါကလဲ သူသွားမယ့် လမ်းနဲ့  ကျွန်မနားနေတဲ့ ခုံတမ်းက လမ်းတည့်နေလို့ နေမှာပါဆိုပြီး အမှတ်တမယ့်ဘဲပေါ့။
နောက်အဲဒီလူကြီးကလဲ ကျွန်မကို သေချာစူးစိုက်ကြည့်တယ်။ ကြည့်လေ ဘယ်လောက်ကြည့်မလဲ။ ကျောပိုးအိတ်
တို့ က ရင်ကိုမခုန်သေး။ (အသက်မတူလို့ နေမယ်) နောက်တော့ အဲဒီလူကြီးက ကျွန်မကို ဖုန်းရှိလားတဲ့။ ဖုန်းတစ်ခါလောက် ပေးဆက်ပါတဲ့။ သြော် ဖြစ်ရလေ ဖုန်းဆက်ချင်လို့ ကြည့်နေတာကိုး။ (တော်သေးတယ် စိတ်ထဲက မပစ်မှားမိတာ)
နောက်တော့ ကျွန်မဖုန်းပေးဆက်လိုက်တယ်။ကျွန်မက အထွန့် တတ်လိုက်သေးတယ်။ နိုင်ငံခြားဖုန်း မခေါ်နဲ့  နော်ဆိုတော့ ဖုန်းငှားဆက်တဲ့ အဲလူကြီးကပြောတယ်။ ငါဒီလောက် မမိုက်ပါဘူးတဲ့။ သူ့ အပြောအရ ပြောမိတဲ့ ကျွန်မကဘဲ မိုက်သယောင်ယောင်။ ခက်တယ်နော်။ ခေတ်လူငယ်တွေများ။ အဲလေ ခေတ်လူကြီးတွေများ။
နောက်တော့ သူဖုန်းဆက်ပြီး ကျွန်မကို ဖုန်းပြန်ပေးတယ်။ ဘယ်လောက်ကျလဲတဲ့။ ကျွန်မလဲ ရုတ်တရက် ကြောင်သွားတယ်။ အဲဒီလူကြီးက ဖုန်းဆက်တာဘယ်လောက်ကျလဲ ။ ကျသလောက် ငါပြန်ပေးမယ်တဲ့လေ။ (အောင်မာ ကျေးဇူး အတင်မခံချင်ဘူးပေါ့လေ။ ကြည့်တော့ ဆံပင်က တစ်ခေါင်းလုံးဖွေးနေပြီ ။ မာနက ထားချင်သေး) မာနဆိုတာ သက်ကြီးတာ ငယ်တာနဲ့ မဆိုင်ပါဘူးနော်။ အဟိ။ ပျားရည်နဲ့  ၀မ်းပြန်ချသွားတာ။
ကျွန်မက ရပါတယ် အဘရယ် ။ ပေးစရာမလိုပါဘူးဆိုတော့ ပြီးတာဘဲတဲ့။(မူတောင် မမူဘူး ချက်ချင်းတုန့်  ပြန်ချက်)
ကျွန်မလဲ ဆေးရုံရှေ့ က ခုံတန်းလေးမှာဘဲ ရေဆက်သောက်နေလိုက်တယ်။ နောက်တော့ ဖုန်းထပ်လာပြန်ရော။ ကြည့်လိုက်တော့လဲ ဖုန်းနံပါတ်က မသိပြန်ဘူး။ မထူးတော့ဘူးဆိုပြီး ကျွန်မ ဖုန်းကိုင်လိုက်တယ်။
ဟလို။
သမင်ဖြူလား။
ဘုရားရေ ။ သမင်ဖြူမဟုတ်ဘူး ခရုသင်းပါ။
ဟာ ကြောင်တောင်တောင်နဲ့  … ဟဲ့ ငါပါ။
ဘယ်ကငါလဲ။
အောင်မလေး ပဲကတတ်နေသေးတယ်။ ငါ့အသံတောင် နင်မမှိတ်မိဘူးလား။
ဘုရားရေ.. ကျွန်မမှာ နင်နဲ့ ငါလို့  ပြောနေကျသူငယ်ချင်း တော်တော်ရှားတယ်။
နင်ဘာဖြစ်နေတာလဲ… ကြောင်တောင်တောင်နဲ့ ။
(ဘယ်သူမှန်း မသိဘဲ အဲဒီလို သြဘာပေးခံလိုက်ရတယ်)
နောက်တော့ ကျွန်မလဲ စိတ်ရှုပ်လာတာလဲ
ဘယ်သူလဲ ကျွန်မ မသိဘူး။
လို့  ခပ်ဆပ်ဆပ် ပြန်ပြောလိုက်မှ
တစ်ဘက်ကလဲ အသံတစ်ချက်တိတ်သွားတယ်။
ခုပြောနေတာ သမင်ဖြူလား။
ကျွန်မမှာ သမင်ဖြူလဲ မရှိဘူး။ ခရုသင်းလဲ မရှိဘူးဆိုမှ တစ်ဘက်ကရယ်ပါလေရော။ ကျွန်တော်ပြောတာ သမင်ဖြူ မဟုတ်ဘူး ခရေဖြူတဲ့လေ။ မဟီဒေါတက္ကသိုလ်မှာ ကျောင်းတတ်နေတဲ့ ခရေဖြူတဲ့လေ။
သြော် ဖြစ်ရလေ။ ရာသီဥတုက ပူတယ်လေ။ ဒါကြောင့် နားကြားလွဲတာနေမယ် (အပြစ်မရှိတဲ့ ရာသီဥတုကို ဒုတိယ အကြိမ် တရားခံစာရင်းထဲ ဆွဲထည့်လိုက်တယ်။)
သူပြောတဲ့နာမည်က ခရေဖြူ။ ကျွန်မကြားတာ သမင်ဖြူ။ နီးတော့ နီးစပ်တယ်နော်။ နောက်တော့ ဖုန်းမှားနေကြောင်း ပြောပြီး ဖုန်းချလိုက်ရတယ်။
း)
ဟူးးးးးးးးးးးးးးးးးးးးးးးးးး
မောတယ်တယ်နော်။ ၁၀၁ကြိမ်မြောက် သက်ပျင်းချခြင်းနဲ့ အတူ
18:51
Posted by ကျောပိုးအိတ်
ကျွန်မစားတဲ့ ပန်းကန်
အစာပလာလုံလင်စွာဖြင့် ။
သံပုရာသီးက ဈေးကြီးတာကြောင့် သံပုရည်ဘဲ ၀ယ်လာခဲ့တယ်။ ငရုတ်ကောင်းမှုန့်  ကြိုက်ရင်ထည့်စားပါ။ငံပြာရည် ။ ဒီငရုတ်သီးအရည်က ဘာလို့ ထားထားလဲ သိဘူးရယ်။
ရေမဟုတ်ဘူးနော်။ အအီပြေ အချိုရည်လေး။
အိုးကြီးကြီးဘဲ။ မလောက်မှာ မပူနဲ့ ။
ရာသီဥတုက တော်တော်လေးပူနေတာကြောင့် တစ်ခုခု လုပ်စားရအောင် ဆိုတာနဲ့  ဒီနေ့ ရုံးမှာ အားလုံးရဲ့  သဘော တူညီချက်အရ မန်းလေးကြာဇံချက် ချက်စားကြတယ်။ ထုံးစံအတိုင်းပေါ့။ အရမ်းစားကောင်းတယ်။ ဘယ်လိုချက်လဲ မမေးနဲ့ နော်။ သိဘူး။
ရာသီဥတုကပူတယ်။ မန်းလေးကြာဇံချက်ကလဲ ပူတယ်။ စားရတာ ချွေးတွေကို ရွဲလို့ ။
လက်စကြီးတယ်ဘဲ ပြောရမလား။ မလောက်ငှမှာ အရမ်းကြောက်တာကြောင့် အိုးကြီးကြီးနဲ့  ၂လုံးတောင်း ချက်ထားတယ်။ အချိန်တန်တော့လဲ ကုန်သွားတာဘဲလေ။
19:58
Posted by ကျောပိုးအိတ်
ဒီနေ့  ထမင်းအရမ်းစားကောင်းတယ်။ စားကောင်းတယ်ဆိုတာကလဲ ကျွန်မချက်တာ မဟုတ်လို့ လေ။ သူများတွေဘာချက်ကျွေးကျွေး အရမ်းစားကောင်းတယ်။ ပြီးတော့ မစားရတာကြာပြီဖြစ်တဲ့ ကြက်သားနဲ့  ဗူးသီး ကာလသားချက်လေးကြောင့် ထမင်းပိုမြိန်သွားတယ်။
တကယ်ပြောတာ။
မယုံရင် လက်ဆေးပြီး ထမင်းဝင်စားသွားကြည့်လိုက်နော်။ လျှာလည်သွားမယ်။ ကြည့်ရုံနဲ့ တင် သိသာတယ်။
အဟတ်။
ကြက်သားဗူးသီး ကာလသားချက်
ကြက်သားကြော်
ငါးသလဲထိုးဟင်း ( ဒီငါးသားပေါက်လေးတွေက တစ်ခါတစ်ရံမှ ရတတ်တယ်)
တို့ စရာ မုန့် ညှင်း နဲ့ သခွားသီး။
17:40
Posted by ကျောပိုးအိတ်
ဒီနေ့  အင်္ဂလန်ကနေ ပြန်လာမယ့် သူငယ်ချင်းတစ်ယောက်ကို လေဆိပ်မှာ သွားကြိုခဲ့ပါတယ်။ မတွေ့ ရတာလဲ တော်တော်ကြာနေတာကြောင့် ရှိနေတဲ့ အလုပ်တွေကို ပစ်ထားခဲ့ပြီး လေဆိပ်ကို ရောက်အောင်သွားခဲ့ပါတယ်။ သူငယ်ချင်းကို ကားပေါ်ခေါ်တင်လာပြီး ရောက်တတ်ရာရာတွေ ပြောကြနဲ့  ပျော်စရာကောင်းလွန်းလှပါတယ်။
သူငယ်ချင်းနဲ့  အချိန်တော်တော်ကြာကြာ စကားပြောပြီး ပြန်မယ်ဆိုတော့ သူငယ်ချင်းက အင်္ဂလန်ပြန် လက်ဆောင်ဆိုပြီး ချောကလက် ၂ဗူး လက်ဆောင်ပေးခဲ့တယ်။ တကယ်တော့ သူမ ချောကလက်မကြိုက်ပါဘူး။ လူတော်တော်များများက ချောကလက်ကို ကြိုက်ပေမယ့် သူမကတော့ အားလုံးနဲ့  ဆန့် ကျင်စွာ ချောကလက် မကြိုက်ပါဘူး။ ဒါပေမယ့် သူငယ်ချင်းရဲ့ လက်ဆောင် ဖြစ်နေတာကြောင့် အားနာပြီး ယူခဲ့ရတယ်။
ကားပေါ်ရောက်တော့ သူမအရင်ဆုံးတွေးနေမိတာ ဒီချောကလက် ကိစ္စ။ ချောကလက်ဗူးက အကြီးကြီးဘဲ။ ပြီးတော့ ၂ဗူးတောင်မှဆိုတော့ ဘယ်သူ့ ကိုပြန်ပေးရမလဲ စဉ်းစားနေခဲ့မိတယ်။ နောက်ထပ် သူငယ်ချင်းရဲ့  ကလေးလေးက ချောကလက် အရမ်းကြိုက်တာ သူမပြန်စဉ်းစားမိသွားပြီး အဲဒီကလေးလေးကိုဘဲ အခုလက်ဆောင် ရလာတဲ့ ချောကလက်လေးကို ပေးတော့မယ်လို့  စိတ်ပေါ့ပါးစွာ ဆုံးဖြတ်လိုက်တယ်။
သူမကားကို ဂရုတစိုက်နဲ့ မောင်းလာခဲ့တယ်။ မီးပွိုင့်တစ်ခုရောက်တော့ ကားလမ်းမပေါ်မှာ ပန်းတွေလိုက် ရောင်းနေတဲ့ ကလေးလေး၂ယောက်ကို သူမတွေ့ ခဲ့တယ်။ ကားကြိုကားကြားထဲမှာ ပန်းလိုက်ရောင်းတာ တကယ်တော့ အန္တရာယ် အရမ်းများလှပါတယ်။ ဒါပေမယ့် သူတို့ ကတော့ အန္တရာယ်ဆိုတာကို မေ့ထားပြီး ၀မ်းစာရေးအတွက် ကားတွေဆီကို လိုက်ပြီး ပန်းတွေရောင်းနေကြတယ်။
သူမ ပန်းရောင်းတဲ့ ကလေးလေး၂ယောက်ကို ကြည့်ပြီး ပြန်စဉ်းစားမိတယ်။ သူမဘေးမှာ ပါနေတဲ့ ချောကလက်ဗူးကြီး ၂ဗူးကို အဲဒီကလေးတွေကိုဘဲပေးလိုက်တော့မယ်။ ပထမပေးမယ်လို့ စိတ်ကူးထားတဲ့ ကလေးလေးကတော့ မိဘတွေကချမ်းသာတယ်။ ဒီလိုတန်ဘိုးကြီးတဲ့ ချောကလက်ကို ၀ယ်ကျွေးဘို့  မိဘတွေကလဲ တတ်နိုင်တယ်။ဒီကလေးတွေကတော့ ဒီလိုချောကလက်ကို သိပ်ပြီး စားဘူးမယ်မထင်တာကြောင့် ရုတ်တရက်ဝင်လာတဲ့စေတနာနဲ့  ကလေးလေးတွေကို လှမ်းခေါ်ပြီး ချောကလက်ဗူးကို ပေးလိုက်တယ်။
ချောကလက်ဗူးလက်ခံရရှိတဲ့ ကလေးလေးတွေက အံ့သြတဲ့မျက်နှာနဲ့  သူမကို ကြည့်နေကြတယ်။ ပြီးတော့ ကျေးဇူးတင်ပါတယ်လို့ တောင် ပြန်မပြောဖြစ်ဘဲ ရောင်းမကုန်သေးတဲ့ ပန်းတွေနဲ့  ကလေးနှစ်ယောက်က သူမနဲ့  ဝေးရာကို ထွက်သွားကြတယ်။
နောက်တော့ လမ်းမကြုံတာနဲ့  သူမ ဒီမီးပွိုင့်ဘက်ကို မဖြတ်ဖြစ်တော့ပါဘူး။ ဒီနေ့ တော့ အလုပ်အတွက် လုပ်စရာရှိတာကြောင့် သူမ ဒီမီးပွိုင့်လေးကို ပြန်ရောက်လာပါတယ်။ မီးပွိုင့်မိနေတုန်း ဘာရယ်မဟုတ် ချောကလက်ပေးဘူးတဲ့ ကလေးနှစ်ယောက်ကို ပြန်သတိရလာတယ်။ ကလေးနှစ်ယောက်ကတော့ ထုံးစံအတိုင်း ကားကြိုကားကြားထဲမှာ ပန်းတွေရောင်းနေတယ်။
နောက်တော့ သူတို့ ပန်းရောင်းရာကနေ သူမဆီရောက်လာတယ်။ သူမက ပန်မ၀ယ်ချင်တာကြောင့် မသိသလိုဘဲနေလိုက်တယ်။ ဒီမှာတင် ပန်းရောင်းတဲ့ ကလေးလေးက သူမရဲ့  ကားမှန်ကို ခေါက်လာတယ်။ သူမကလဲ ပန်းမ၀ယ်ဘူးလို့ လက်ဟန်ခြေဟန်နဲ့ ဘဲ ပြလိုက်ပေမယ့် ချထားတဲ့ ကားမှန်ကိုတော့ မချပေးခဲ့ဘူး။ နောက်တော့ မီးပွိုင့်စိမ်းသွားတာနဲ့  သူမကားမောင်းလာခဲ့တယ်။ ကားမောင်းနေရင်း နောက်ကြည့်မှန်ကနေ ကြည့်လိုက်တော့ သူမကားကို မျက်စိတစ်ဆုံးလိုက်ကြည့်နေတဲ့ ကလေးလေးတွေကို တွေ့ လိုက်ရတယ်။
ဒီလိုနဲ့  မီးပွိုင့်ကို ဖြတ်ရတိုင်း ပန်းရောင်းတဲ့ ကလေးလေးတွေက သူမဆီလာပြီး မှန်တံခါးခေါက်တယ်။ ချောကလက်ပေးထားတာ မမှတ်မိဘဲ ငါ့ကို ပန်းလာရောင်းတယ်ဆိုပြီး စိတ်လဲတော်တော်တိုလာမိတယ်။ စိတ်တိုတာနဲ့ တပြိုင်နက် ကားမှန်ကိုချပြီး ပန်းမ၀ယ်ဘူးလို့ ပြောနေတာ နားမလည်ဘူးလားလို့  ခပ်ဆပ်ဆပ်လေး ပြန်ပြောလိုက်တယ်။
ဒီမှာတင် ကလေးလေးနှစ်ယောက်က သူမ မထင်မှတ်တဲ့ အပြုမှုကို လုပ်လိုက်တာကြောင့် သူမတော်တော် အံ့သြသွားတယ်။ ကလေးလေးတွေကပြောပါတယ်။ ကျွန်တော်တို့ ပန်းရောင်းဘို့ လာတာ မဟုတ်ပါဘူးတဲ့။ ကျွန်တော်တို့ ကို ချောကလက်ပေးခဲ့တုန်းက ပျော်လွန်းလို့  ကျေးဇူးတင် စကားတောင် မပြောခဲ့မိဘူး။ အိမ်မှာကျန်ခဲ့တဲ့ အငယ်လေးတွေကို ချောကလက်ကျွေးချင်လွန်းလို့  အမြန်ပြန်သွားခဲ့တာ။ ချောကလက်စားတိုင်းလဲ အန်တီကို သတိရပါတယ်။ ကျွန်တော်တို့ ဘ၀မှာ အဲဒီလောက်ကောင်းတဲ့ ချောကလက် တစ်ခါမှမစားဘူးပါဘူး။ ဒီတော့ ကျွန်တော်တို့ ကို ချောကလက်ပေးခဲ့တဲ့ အန်တီကို နေ့ တိုင်း စောင့်ခဲ့တယ်။ ကျေးဇူးတင်စကားလဲပြောချင်တယ်။ ပြီးတော့ ကျွန်တော်တို့ ကိုယ်တိုင် လုပ်ထားတဲ့ ဒီပန်းလေးတွေကို လက်ဆောင် အဖြစ် ပြန်ပေးချင်လွန်းလို့  မှန်ခေါက်မိတာပါတဲ့။
အဲဒီကလေးစကားကိုကြားပြီး သူမတော်တော်စိတ်မကောင်းဖြစ်သွားခဲ့တယ်။ ကလေးလေးတွေအပေါ်မှာ အထင်မှားခဲ့မိတာလဲ တော်တော် နောင်တရသွားခဲ့တယ်။ နောက်တော့ ကလေးလေးတွေ ကမ်းပေးတဲ့ စံပယ်ပန်း ၅ကုံးကိုယူပြီး သူမ အဲဒီမီးပွိုင့်ကနေ ထွက်လာခဲ့မိတယ်။
အိမ်ပြန်ရောက်တော့ ကလေးတွေပေးတဲ့ စံပယ်ပန်းကို ဘုရားမှာပြန်လှူခဲ့မိတယ်။ ကလေးတွေကိုလဲ စိတ်မကောင်းဖြစ်ခဲ့ရတယ်။
ကျွန်မတို့ ရဲ့ လူ့ စိတ်ဆိုကလဲ ခက်သားဘဲနော်။ အပြင်ပန်းကြည့်ပြီး ထင်ယောင်ထင်မှား မှတ်ကြတယ်။
မရှိတဲ့သူများ ကိုယ့်ဆီလာပြီဆို ချေးငှားတော့မယ်ထင်နေကြတယ်။
မလှတဲ့သူဆို စုန်းကဝေနဲ့  ခိုင်းနှိုင်းတတ်ကြတယ်။
လူတစ်ယောက် အ၀တ်အစား ၀တ်တာ စုတ်ပြတ်နေတယ်ဆို လမ်းမှာတွေ့ ရင်တောင် မခေါ်ချင်ကြဘူး။
လူတစ်ယောက်ရဲ့ အ၀တ်အစားကိုကြည့်ပြီး အဲဒီ လူရဲ့ အတွင်းစိတ်ကို ဘယ်သူမှ မဖတ်နိုင်ပါဘူး။
အာကျယ်အာကျယ်ပြောတတ်တိုင်း ရိုင်းတယ်လို့ ထင်မိကြတယ်။
ဒါပေမယ့် အဲဒီလိုပြောတတ်တဲ့ လူတွေရဲ့ အတွင်းစိတ်တွေကို ကျွန်မတို့ မဖတ်နိုင်ခဲ့ပါဘူး။
ပြောင်ချော်ချော်ပြောတတ်တဲ့ သူတွေကို ကျွန်မတို့ စိတ်ထဲမှာ ဘာကိုမှ အလေးအနက် မထားတဲ့ သူတစ်ယောက်လို့ 
ကျွန်မတို့ ထင်မိကြတယ်။
ဒါပေမယ့် အဲဒီလို ပြောင်ချော်ချော်နေတတ်တဲ့သူတွေရဲ အတွင့်းစိတ်ကို ကျွန်မတို့  မဖတ်နိုင်ခဲ့ဘူး။
ဒီတော့ ကျွန်မတို့ တွေဟာ လူတိုင်းရဲ့ စိတ်ကို ဖတ်နိုင်ဘို့  အမျာကြီးကြိုးစားရဦးမှာပါ။
ဖတ်ဘူးတဲ့ အင်တာနက်စာမျက်နှာကတဆင့် ဘာသာပြန် တင်ပေးထားတာပါ။
ကျွန်မဘာသာပြန်တာ ညံ့ကောင်းညံ့နေပါမယ်။ ဆီလျှော်အောင် ပြန်ဆိုထားပါတယ်ရှင်။
